Насловна / Вести / Асфалт се заменува со зеленило – холандски град во борба против климатските промени

Асфалт се заменува со зеленило – холандски град во борба против климатските промени

Климатските промени предизвикани од екстремните температурни разлики во светот доведуваат до топлотни бранови, суши и поплави, па затоа градот Арнхем во Холандија направи десетгодишен план за обнова за да се справи со овие проблеми. Овој град е на врвот кога станува збор за места што се прилагодуваат на климата. Тој постави цел да се намали количината на асфалт, односно темниот дел од материјалот што се користи за патишта и тротоари кои апсорбираат топлина и го зголемуваат протокот на вода, за 10 проценти до 2030 година.

Grad

Избраните патишта ќе бидат заменети со трева, по што ќе бидат засадени дрвја што ќе обезбедат сенка за други патишта. Заменувањето на асфалтот со зеленило ќе помогне и во борбата против поплавите. Арнхем е град лоциран на 13 метри надморска височина, така што честопати има проблем со поплави, но и во суви периоди кога се зафатени парковите и зелените површини. Според тоа, една од целите е да се пренасочат 90 проценти од дождовницата од канализациониот систем.

grad1

Секој што има идеја како да го направи градот поотпорен на топлотни бранови, поплави и суши, е поканет да аплицира за субвенција преку „Иницијативата за климатска адаптација“. Градскиот совет, заедно со институциите кои се грижат за водните системи, локалните корпорации и училиштата, ќе се фокусираат на стратегии за прилагодување кон климатските промени. Соединувањето на силите ќе осигури дека Арнхем во иднина е подобро подготвен во борбата против се повеќе екстремни временски услови.

Во 2019 година, градот Арнхем почна „симулации за поплавување“ на пробни улици покриени со разни материјали. Тука, жителите можеа да видат како улиците „се справуваат“ со проблемот со обилните дождови во зависност од асфалтирањето и го избираат типот што го сакаат за својата улица.

Grad2

Градовите ширум светот се прилагодуваат на климатските промени и осмислуваат начини да се справат на најдобар можен начин и да се заштитат од природни непогоди на долг рок. Покрај горенаведениот пример во Холандија, примери има и во САД. Во Сан Франциско е подигната историска зграда на три метри од земјата за да се спаси од покачување на нивото на морето.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top