„Нулта километража“: Кинеските медиуми повикуваат на „пресметка“ со половните автомобили

Кинеската пракса на продажба на целосно нови автомобили како половни возила со голем попуст со цел ослободување од залихите, би требало конечно да заврши. Ова се вели во документ кој е објавен во службениот весник на Комунистичката партија на земјата.

People’s Daily, кој често ги сигнализира ставовите на највисоките кинески партиски челници за разни прашања, па повикува на пресметка со оваа практика, позната како „користени автомобили со нулта километража“. Кина доживува растечки дефлациски притисоци, бидејќи американските царини придонесуваат за песимистичко расположение кај најголемата светска економија. Многу компании од разни сектори – од брза храна до висока мода, ги намалуваат цените поради загриженост за преголемата понуда и слабата побарувачка. Последните години, кинеската автомобилска индустрија е зафатена од ценовна војна, која во еден дел е поттикната од домашната потрошувачка и огромните капацитети.

Додека многу кинески производители продажбата на нови автомобили со огромни попусти ја гледаат како ефикасен начин на ослободување од залихите, властите предупредуваат дека оваа тактика ги намалува профитните маржи, ги зголемува загубите и ги спречува инвестициите во квалитет и иновации.