11-ти Младински пролетен салон, доелување на награди и признанија

На 23-ти мај 2018 година во мултимедијалниот простор на Мала станица се отвори 11-от Младински пролетен салон под наслов „ЛИКЕ“. Темата оваа година беше инспирирана од Постојаната поставка во Даут пашин амам. Овој проект и темата на истиот е во рамките на одбележување 70 години постоење на Националната галерија на Македонија.

Комисијата во состав : Елена Иванова, кустос, Александра Зиновски Вилиќ, кустос и Александар Тодоровски, документарист од одделение за депо во НГМ, ги доделија следниве признанија:
– Прво место за Теодор Златевски за делото инспирирано од авторот Иван Велков,
– Второ место за Георгина Спасовска за делото според Томо Шијак,
– Трето место за Клара Васиќ за дело според Никола Мартиновски

Сите три награди се доделени на ученици од СУГС „Кочо Рацин“, Скопје со што претставуваат севкупни победници во категорија на средни училишта.
– Најдобро студентско дело е доделено на Емилија Србаковска, студент при Европски Универзитет на Р.М., Скопје за делото работено според творештвото на авторот Душан Перчинков.
– Едрин Идризаи, студент на Балкански Универзитет, Скопје за најдобар плакат.
Овие две награди се во категорија – студенти.

Покрај доделените награди беа доделени традиционалните признанија за колекција на Марија Пеева од СУГС „Р. Ј. Корчагин“, Скопје и за најуспешен ликовен педагог на професорот Сашо Саздовски од СУГС „Р. Ј. Корчагин“, Скопје.
На добитниците им беа врачени дипломи и нагаради и се здобија со можност за посетување на курс по цртање 2018/2019 во организација на едукативниот сектор на Националната галерија на Македонија.