Завршна конференција на проектот за Зголемување на енергетска ефикасност во Охрид

Утре, во хотел Инекс Дрим Струга со почеток во 10.30 часот ќе се одржи завршна конференција на проектот „Зголемување на енергетската ефикасност и искористување на обновливите извори на енергија во меѓуграничниот регион“, финансиран од Европската Унија, во рамки на ИПА програмата за прекугранична соработка помеѓу Република Македонија и Република Албанија.
Проектот беше насочен кон подобрување на животните и работните услови за сметка на енергетската сиромаштија, намалување на емисијата на ЦО2, како и промоција за искористување на ОИЕ и заштита на природните ресурси во Југозападниот плански регион.
Проектот беше со вкупно времетраење од 15 месеци, и во тие рамки се спроведоа следниве активности: Управување со проектот, Кампања за подигнување на јавната свест, Отворени предавања за пошироката јавност – за ЕЕ и ОИЕ , Обука за општинската администрација – за ЕЕ и ОИЕ, Одредување на потенцијалот на ОИЕ и ЕЕ во Југозападниот плански регион, Одредување на можностите за искористување на ОИЕ и имплементација на ЕЕ во Југозападниот плански регион, Пилот проект – спроведување на четири Енергетски контроли на четири јавни објекти во Југозападниот плански регион.