Во Осломеј регионална депонија?

Регионалната депонија за југозападниот регион од Македонија кој опфаќа девет општини, меѓу кои и Охрид и Струга, најверојатно ќе се гради во општина Осломеј, информираат од Центарот за развој на југозападниот плански регион. Токму управувањето со отпадот во југозападниот регион беше тема на одржаниот состанок во Охрид по иницијатива на Центарот, а на кој присуствуваше и заменик министерот за животна средина Стево Темелкоски, како и претставници од локалната самоуправа, јавното претпријатие „Охридски комуналец“  и Секторот за комунален развој.