Во Комората стручна обука: FIDIC 1999 vs FIDIC 2017

Комората на овластени архитекти и овластени инженери (КОАИ), преку Одделението на градежни инженери, за активните членови на КОАИ овозможи стручна обука посветена на актуелни теми од областа на FIDIC услови на договори:

„FIDIC 1999 vs FIDIC 2017: Дополнувања и појаснувања претставени во новите изданија на Црвената и Жолтата книга и разлики во управувањето при различни изданија на договори“

Обуката е наменета за сите професионалци вклучени во реализација на градежни проекти.

Целта на овој прв серијал обуки е унапредување на професионалните вештини во градежниот сектор преку практично разбирање и совладување на процедурите пропишани во меѓународните стандардни форми на договори за градење на објекти.

ИНФОРМАЦИИ ЗА ОБУКАТА:

Предавач: Влатко Михајлов, дипл. град. инж.

Обуката ќе се реализира во три работни сесии, со почеток во 09:00 часот и предвидено времетраење до 12:00 часот:

• I сесија: 22 април 2026 година
• II сесија: 20 мај 2026 година
• III сесија: 11 јуни 2026 година

 Место на одржување:

• Со физичко присуство во просториите на Комората на овластени архитекти и овластени инженери (ограничен број на учесници – 80 места)
• Он-лајн, преку платформата Microsoft Teams.

ВАЖНО: Регистрацијата се врши преку веб страната на комората на линкот > РЕГИСТРАЦИЈА

ПРОГРАМА НА ОБУКАТА:

I СЕСИЈА: FIDIC 1999 vs FIDIC 2017- клучни измени

• Клучни измени и дополнувања во изданијата на FIDIC 2017 во однос на изданијата FIDIC 1999
• Како да се избере соодветно FIDIC издание за конкретен проект?

II СЕСИЈА: FIDIC 1999 vs FIDIC 2017-  14 процедури

• Временски периоди
• Прогрес на работи
• Грешки во Барањата на Инвеститорот
• Процедури при проектирање, изградба и завршеток на работите
• Плаќања и др.

III СЕСИЈА: FIDIC 1999 vs FIDIC 2017- Често Поставувани Прашања

• Разлики во третман на непредвидени физички услови помеѓу Црвен и Жолт FIDIC
• Клизна скала
• Побарувања од страна на Инвеститорот
• Плаќања кај различни форми на FIDIC договори
• Право на пристап и посед на градилиште
• Разумни периоди и др.

Со овие обука Комората продолжува да создава простор за континуирана едукација, професионална размена на знаење и искуства и унапредување на инженерската практика.