Виена ги воведува првите „зони за заштита на климата“ каде се користат исклучиво обновливи извори на енергија

Град Виена минатата година најави воведување на „зони за заштита на климата“, а оваа година проектот започна да се реализира. Зоните во кои е дозволена употреба само на енергија од обновливи извори, се наоѓаат во вториот, седмиот и 16-тиот бецирк. Во овие зони, во новоизградените згради се забранети гасот и нафтата, а во веќе постоечките се поттикнува вградување на соларни панели и фотоволтаични системи. За греење, ладење и санитарна топла вода се користи системот на далечинско греење и ладење, или алтернативните извори како соларна енергија, биомаса или геотермална енергија. Предвидено е до половината на 2021 година, секој округ во градот да довие своја зона, а целта е до 2030 година секое четврто домаќинство да се снабдува со соларна енергија.