Словенија нема да гради хидроцентрали на заштитената Мура

„Словенија се откажува од плановите за изградба на хидроцентрали на својот дел од текот на реката Мура“, истакна словенечкиот министер за животна средина  Јуре Лебен, на состанокот со челниците на општините по течението на Мура, на кој заедно со преставникот на програмата на УНЕСКО „Човекот и биосферата“, додели сертификати со кои тие подрачја се прогласуваат за дел од „Зоната на биосферата на Мура“.

Досега државниот конзорциум за користење на хидропотенцијалот на Мура, има потрошено над 10 милиони евра на подготвителни работи и испитувања, додека во исто време екологистите сериозно се противеа на овие проекти предупредувајќи дека станува збор за мочуришно подрачје со исклучителна вредност.