Славни модни куќи се претставија на Миланската недела на дизајн

Во тек е еден од најважните фестивали на дизајнот во светот  – Миланската недела на дизајн (Salone del Mobile), кој трае до 9 април. Вистинска Мека е за сите оние што сакаат да се претстават или да се запознаат со трендовите во областа на дизајнерски производи и уредување на ентериери.

Во овој период, Милано е дестинација на која многу светски брендови ги претставуваат нивните нови колекции. Свој пат до таму оваа година нашле и славни модни куќи, што не е невообичаено, бидејќи повеќето од нив го имаат и овој сегмент во својот асортиман на производи.

Така, своите нови парчиња мебел ги претставиле и луксузните француски куќи „Луј Витон“ и „Хермес“ како и италијанската куќа „Версаче“.

Louis Vuitton колекција Objets Nomades

„Луј Витон“ на овогодишното издание се претстави со десет парчиња, кои се креирани од страна на водечките дизајнерски имиња како што се Patricia Urquiola, Raw Edges, Campana Brothers.

Hermès Karumi

Комбинацијата од бамбус и карбон е феноменален избор за минималистички троножец со потпис на куќата „Хермес“.