Прекрасен стан во кој главен збор води зелената боја

Доброто расположение и позитивната енергија може да бидат првата асоцијација кои ви доаѓаат на памет кога ги гледате фотографиите од еден архитектонски проект во Барселона.

Дизајнерите и архитектите од студиото Nook Architects, неодамна го претставиле проектот на преуредување на стан на кој тие работеле со месеци. Овој конкретен стан е најновиот во серијата на станови кои ги преуредувале во зграда, која се наоѓа во „Готскиот кварт“, и, секако, се истакнува со доминацијата на зелена боја.

Она што веројатно прво се забележува е големиот мурал на ѕидот на кујната, насликан со многу зелени растенија, и особено е важно да се истакне дека тој е еден од ретките елементи кој е задржан од старата верзија на станот.

Освен на овој ѕид, зелената боја е присутна и во другите простории на станот, и тоа во мноштвото детали како вазни, постелнини или прибор за јадење.

Основната мисија на архитектите е тука за да се задржи оригиналниот дух на објектот, и се чини дека во тоа и успеале.