Почна уредувањето на локалитетот „Л’џи“ во Ново Село

Општина Штип денес започна со реализација на проектот за уредување на култниот локалитет „Л’џи“ во штипско Ново Село. Легендарниот извор на топла вода на Кежовица ќе се уреди соодветно, ќе биде уредена соодветна пристапна пешачка патека со бехатон а ќе се заштити и самиот извор од можно излевање на водите на река Брегалница.

Предвидени се зафати и околу самиот извор кој со децении не беше обновен. Инвестицијата е во вредност од максимум 30.000 евра и се предвидува да биде завршена до средината на месецот.