Неверојатен концепт на авионска кабина со стаклен покрив

Познатиот италијански производител на луксузни автомобили Pagani, одлучил својата понуда буквално да ја издигне и до небото.

Заедно со Airbus, креирале неверојатна авионска кабина со панорамски покрив. Овој спектакл, се разбира, не е се, бидејќи за да се истакне и ексклузивноста тука се и столиците изработени од кожа, големиот ТВ приемник, но и зона за јадење која од другиот простор е одделена со стаклен ѕид, со цел да се добие уште една доза на приватност. Се чини дека овој концепт во воздухот може да се случи веќе во 2019 година, и сите оние што ќе се најдат во позиција да летаат со ваков авион, дефинитивно ќе добијат искуство за паметење.