Мљет, Вис и Ластово затрупани со платичен отпад

Активисти на Greenpeace минатиот викенд на Мљет изложиле десетметарски реквизити со цел сликовито да прикажат каде најчесто завршува пластиката за еднократна употреба. Во морето лебдело големо пластично шише, чаша и сламка симболично порачувајќи дека во Медитеранот веќе има над 1455 тони пластика.

„ Чистењето на крајбрежјето е неопходно, но само по себе не е решение. Ситните делови пластика речиси е невозможно да се отстранат. Време е да сфатиме дека проблемот треба да се решава од причината, односно мора да ги менуваме навиките и полека да се откажуваме од пластиката за еднократна употреба“ – вели Михаела Богељиќ раководител на оваа кампања. Со загадувањето со пластика посебно се погодени јужнодалматинските острови, а ниту националниот парк Мљет не е исклучок.