Мал стан во Прага го одразува духот на уметноста, и во форма и во содржина

Во прашката четврт Холешовице, позната по својата уметничка и индустриска атмосфера, се наоѓа мал стан кој, по темелна реконструкција, добил сосема нова функционалност и естетски идентитет. Проектот е потпишан од студиото Plus One Architects, а сопственичката на станот, која е и сликарка, не само што била отворена за неконвенционални решенија, туку и ги поддржала.

Компактна квадратура, максимален потенцијал

Станот од само 35 квадратни метри бил темен и просторно фрагментиран – долг ходник, затворена кујна и одвоени санитарии го прекинувале протокот на светлина и ја нарушувале функционалноста. Благодарение на целосната реорганизација на просторот и отстранувањето на сите преградни ѕидови, архитектите создале отворен, течен ентериер во кој секој квадрат има своја намена.

Ориентацијата на станот кон југ овозможило изобилство на природна светлина, која сега достигнува до сите делови од домот, од влезот до креветот покрај прозорецот со поглед на крошните на дрвјата.

Дизајн што ја следи светлината

Влезниот ходник е дискретно врамен со плакари, а води директно до вратата од балконот со поглед на улицата. Лево, низот продолжува во трпезаријата со шанк, додека десно, кујнскиот пулт нежно ги воведува посетителите во централниот дел од просторот – дневната соба во која доминирана голема слика.

Кујната продолжува кон полуотворената, единствена ѕидана просторија од тули, бањата, малку подигната платформа. Туш кабината е затворена со мат стакло кое служи и како светлосна бариера. Лавабото и тоалетот се наоѓаат зад неа, а оваа просторија ја има единствената внатрешна врата во станот.

Впечатливи детали во едноставна палета

Ентериерот е изведен во комбинација од бела боја и светло дрво. Полиуретанскиот под, бели ѕидови, како и мебелот од брезов фурнир создаваат мирна и неутрална основа. Вратите на плакарот се обложени со рефлектирачка фолија, која дополнително ја шири природната светлина низ просторот.