Хибридна пена која ги комбинира предностите на дрвото и металот

Уште во 2014 година, научниците од германскиот Фраунхофер Институт за истражување на дрвото, развиле пена од дрво која би можела да се користи како еколошка изолација. Сега, тој пронајдок е искомбиниран со метал, и направен е композит кој има многу поширок спектар на потенцијална примена.

За да се направи оваа композитна пена, тимот започнал со создавање на метални „сунѓери“ со отворени ќелии применувајќи постапка на леење. Потоа, додале дрвена влакнеста пена и „сунѓерите“ се повеќекратно механички потиснати, со цел да се исполнат сите шуплини.

Позната под името HoMe (германски акроним за комбинацијата дрво-метал), пената претставува лесен композит кој овозможува топлинска и звучна изолација, но има и добри механички карактеристики.