Herzog & De Meuron со нов урбанистички план за западниот дел на Минхен

Herzog & De Meuron ја претставија пред јавноста нивната визија за изгледот и урбаниот живот на западниот дел од Минхен. Планот е концентриран околу објектот Paketposthalle, импресивна бетонска градба изградена во 60-тите години од минатиот век. Предложеното решение се состои главно од објекти со мешовита намена – станбен и деловен простор, простор за социјални и културни активности. Новите содржини се вклопени во постоечката и надградената сообраќајна инфраструктура. Ново развиената мрежа е одржлива и значително ќе придонесе за намалувањето на емисиите на CO₂. Трите главни стратегии околу овој простор се реупотреба на старата зграда како јавен мултидисциплинарен простор, изградба на две кули високи 155 метри, како и изградба на сосема нов станбен кварт со шесткатници и простран јавен простор со зелени површини.