„Групирани носачи“ кои заменуваат класични дрвени столбови

Центарот Longfu Life Experience во кинеската провинција Хенан, обмислен е така да неговата намена константно може да се прилагодува на различни типови корисници, а не да се ограничи на само еден вид употреба. Но главната карактеристика на објектот, всушност лежи во неговата максимална одржливост и иновација, целата конструкција е потполно флексибилана. Објектот е изграден на барање на компанија која раководи со еко-фарми. Основните конструктивни елементи направени се од префабрикувани дрвени елементи кои собрани на едно место даваат посебен шарм.

DesignBoom пишува дека архитектите од кинескиот биро Luo Studiо имале неблагородна задача да го завршат целиот проект за помалку од два месеца, што и покрај сите предизвици успеале. Префабрикацијата на моделот значително го забрзала процесот на конструкцијата. Конечниот објект е со површина од 1.588 квадратни метри. Компанијата која ги изведувала работите е Puyang Jingyi.

Ценралниот простор на овој објект всушност има улога на продажен центар и го карактеризираат „групирани носачи“ кои заменуваат класични дрвени столбови. Овие групации, кои со изгледот потсеќаат на дрвја, проектирани се да можат да ја издржат целата тежина на конструкцијата над нив, но и лесно да се прилагодат на новите потреби на корисникот. Имено, објектот е замислен така да може било кој дел на конструкцијата да се замени, премести или преобликува според потребата.

Целата дрвена конструкција може во потполност да се демонтира и преобликува, а материјалите можат да се користат и за поставување на некои независни конструкции. На овој начин архитектите успеале да направат модел кој е апсолутно универзален и одржлив, токму така како што замислувале нивните клиенти.