Насловна / Вести / ЕУ: Почисти, посигурни и потивки пневматици

ЕУ: Почисти, посигурни и потивки пневматици

Европската унија ги ажурира своите правила за означување на енергетската ефикасност кај пневматиците и ги проширува и на пневматиците за тешки товарни возила – автобуси и камиони. Советот на ЕУ, го усвои преговарачкиот став за предложените нови правила, соопштувајќи дека ознаките ќе бидат видливи за потрошувачите и ќе содржат информации за однесувањето на снежна и замрзната подлога. „Новите правила ќе им овозможат на купувачите поквалитетни информации, а исто така и избор на посигурен и поефикасен производ. Тие ќе придонесат за намалување на емисиите на стакленички гасови на улиците, и така ќе помогнат на ЕУ во исполнувањето на своите обврски од Парискиот догвор“, истакнал Антон Антон, романскиот министер за енергетика и претседател на Советот на ЕУ. Освен пошироката примена на постоечката регулаторна рамка, новите барања за приказот на налепниците вклучуваат  продажба на пневматици на далечина и преку интернет. Ажурираните ознаки на тој начин ќе ја подобрат видливоста на тие производи кај купувачите. Новата регулатива е чекор напред кон создавањето на обврска за впишување на пневматиците во база на податоци.

Инаку, патниот сообраќај е одговорен за околу 22% од вкупните емисии на стакленички гасови во ЕУ, а пневматиците главно поради триењето се одговорни за 5-10% од потрошувачката на гориво во возилото.

tyres1
tyres2

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top