Daimler Truck гаси 5.000 работни места во Германија

Производителот на комерцијални возила Daimler Truck објави дека до крајот на деценијата планира да укине вкупно околу 5.000 работни места во Германија. Бранот откази е најавен на презентацијата нa стратегијата во американската сојузна држава Северна Каролина, само еден ден откако компанијата пријавила пад на продажбата за 5% во второто тромесечие. Слабите тромесечни резултати одразуваат осетен пад на побарувачката на клучниот американски пазар.

Daimler спаѓа меѓу најголемите производители на камиони во светот и во второто тромесечие продал 106.715 камиони и автобуси, што е за 5% помалку во однос на истиот период минатата година. Продажбата на огранокот Trucks North America забележала пад од 20%, на 38.580 возила. Азискиот огранок забележал скок на продажбата од 13%.

Веќе во мај годинава, управата објавила дека ги усогласила ставовите со централниот работнички совет за клучните точки поврзани со германските локации кои вклучуваат гасење на работните места.