Порта3 – градежништво, архитектура и екологија Порта3 – градежништво, архитектура и екологија
Министерството за одржлив развој и туризам на Црна Гора и УНДП, започнаа проект за развој на нискојаглероден туризам чија цел е намалување на емисијата на штетни гасови во секторот туризам, во текот на кој заинтересираните хотели ќе добијат еколошки, односно „зелени“ сертификати.
Хотелите како објекти важат за големи потрошувачи на енергија, каде енергијата се троши на непотребно осветлување, непрекинато климатизирање на ходниците, и сл. „Зелените“ хотели се стремат кон користење на штедливи и ЛЕД светилки, применуваат системи за управување со енергијата, го намалуваат користењето на штетните хемикалии.
Од друга страна пак, „зелените“ хотели освен значителните заштеди во трошоци за енергија и енергенти, имаат и сериозна маркетиншка предност, можат да работат преку целата година и имаат поголема конкурентност.
Во Црна Гора се присутни три меѓународни сертификациони шеми: EU еко знак, Travellife и Green Globe. Комплексот „Словенска плажа„ има еколошки сертификат уште од 1982 година.
