Насловна / Вести / Автопатот Демир Капија-Смоквица ќе биде пуштен во употреба следниот месец

Автопатот Демир Капија-Смоквица ќе биде пуштен во употреба следниот месец

Автопатот Демир Капија-Смоквица ќе биде пуштен во употреба кон средината на следниот месец, соопшти Владата.

Автопатот Демир Капија-Смоквица следниот месец ќе биде пуштен во употреба

Во октомври лани, по предлог од Министерство за транспорт и врски, Владата реши да потпише анекс на договорот за изградба на автопатската делница Демир Капија-Смоквица, со што беше продолжено времетраењето на договорот за изградба до 28 февруари оваа година.

Освен продолжувањето на рокот, анексот не предвидуваше дополнителни средства за градежните работи што треба да бидат изведени за завршување на автопатот. Градежните зафати се однесуваа на дислокацијата на далноводот на МЕПСО и на изградбата на контролниот центар.

Изградбата на автопатот во должина од 28 километри почна во септември 2012 година. Се финансира со грант од Европската комисија, заем од Европската инвестициска банка и од Европската банка за обнова и развој, како и со шест милиони евра од државниот буџет.

Со неговото пуштање во употреба се заокружува целосното автопатско решение на делот од Коридорот 10 што минува низ Македонија.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top