Насловна / Вести / Aвтобуска станица која ќе се бори против загадувањето

Aвтобуска станица која ќе се бори против загадувањето

Полскиот град Лублин наскоро ќе добие еколошка автобуска станица која не само што ќе биде привлечна, туку и ќе се бори против загадувањето на воздухот. Интегрираната интермодална метрополитска станица во Лублин ќе се наоѓа во близина на железничката станица и има за цел да ја ревитализира областа околу железничката станица.

avtobuska

Станицата е проект на полската архитектонска фирма „Tremend“. Проектот е одговор на проблемите со животната средина и животот во градот, како што е смогот, потрошувачката на вода и енергија, бучавата и слично. Магдалена Федерович-Буле, претседател на бордот на директори во „Tremend“ рече дека нивниот проект е всушност слика за тоа како тие ја перцепираат улогата на екологијата во архитектурата.

Современиот пристап и фокусот на животната средина и зеленилото дозволија овој проект да биде на потесен избор на Светскиот фестивал за архитектура за наградата „World Building of the Year“.

avtobuska1

Оваа интермодална станица, лоцирана во близина на Фолк парк, е замислена како визуелно продолжување на соседната зелена површина со бујна покривна градина и голем зелен ѕид што ја опкружува северната фасада. Кога станува збор за зеленилото, ќе има и серија скулптури во форма на дрво, кои поддржуваат огромен рамен покрив со голема настрешница. Станицата ќе се карактеризира со стаклени sидови, додека административните простории ќе имаат затемнети прозорци за да обезбедат приватност.

avtobuska2

Зградата ќе се загрева со геотермална енергија и ќе биде опремена со енергетски ефикасно LED осветлување. Детекторите за движење ќе се користат за активирање на осветлувањето за да се обезбеди заштеда на енергија. Системите за собирање и прочистување на дождовница ќе се користат за наводнување на растенијата што ќе создадат микроклима за ладење и ќе го подобрат квалитетот на воздухот. Квалитетот на воздухот дополнително ќе биде засилен со употреба на „блокови против смог“. Овие блокови се изработени од современ фотокалитички материјал кој содржи титаниум диоксид кој ги разложува токсичните гасови.

avtobuska3

avtobuska4

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top