Порта3 – градежништво, архитектура и екологија Порта3 – градежништво, архитектура и екологија
Врз основа на договорот меѓу Градот Загреб и Владата на Република Хрватска, на крајот од минатата недела беше најавен официјалниот почеток на меѓународниот архитектонски и урбанистички конкурс за новиот стадион Максимир и спортско-рекреативниот центар Светице во источниот дел на хрватската престолнина.
Оваа заедничка инвестиција на Градот и Републиката, вредна 224 милиони евра, има за цел да ја замени дотраената инфраструктура со врвен, интегриран спортски комплекс, се наведува во расписот организиран од Друштвото на архитекти на Загреб (ДАЗ).
Анкетен конкурс и конкурс за реализација
Конкурсот се спроведува во еден степен како отворен, архитектонско-урбанистички, анкетен конкурс и конкурс за реализација. Анкетниот дел на конкурсот го опфаќа Спортскиот центар Светице и сообраќајната крстосница Боронгај (зони А+Д) со цел истражување на просторните концепти без склучување договори за услуги за проектирање.
Конкурсот за реализација се однесува на комплексот на фудбалскиот стадион Максимир (зона Ц), за кој ќе се изработи комплетна проектна и техничка документација за изведување на проектот, се на основа на победничкото конкурсно решение.
На конкурсот, пред се, се бара идејно решение за нов фудбалски стадион со капацитет од околу 35.000 места, како и за придружни објекти – гаражи, терени, мултифункционални сали…
Членови на жирито
François Chas, архитект, NP2F, Франција
Kersten Geers, архитект, OFFICEKGDVS, Белгија
Васа Перовиќ, архитект, Bevk Perović arhitekti, Словенија
Ненад Фабијаниќ, архитект, Студио Фабијаниќ, Хрватска
Тома Плејиќ, архитект, Studio UP, Хрватска
Миа Рот-Черина, архитект, Roth&Čerina arhitekti, Хрватска
Звонимир Бобан, претседател на фудбалскиот клуб ГНК Динамо Загреб
Тончи Главина, министер за туризам и спорт, Влада на Република Хрватска
Томислав Томашевиќ, Градоначалник на Загреб, Град Загреб
Награден фонд
Наградниот фонд е определен во бруто износ од 960.000 евра и се распределува на пет награди во следните износи:
- награда: 390.400 евра
- награда: 244.000 евра
- награда: 146.400 евра
- награда: 117.120 евра
- награда: 78.080 евра
Важни датуми
- 21 април 2026 година – рок за поставување стручни прашања
- 24 јуни 2026 година – рок за предавање на трудовите преку EOJN RH
- 09.2026 година – рок за предавање на макетата вон EOJN RH
Дополнителни информации
Комплетната конкурсна документација и документацијата за набавка можете да ја преземете на овој линк, додека регистрацијата се врши преку Електронскиот огласник за јавни набавки на Република Хрватска.
