Музејот V&A Dundee на Кенго Кума во Шкотска

По налог на градскиот совет на шкотскиот град Данди, музејот за дизајн е првата зграда во Велика Британија проектирана од јапонскиот архитект Кенго Кума, сместена на бреговите на величествената река Таи.

Визуелно впечатливата структура обезбедува ново социјално и културно седиште, кое содржи 1.650 квадратни изложбен простор, чија изградба чинеше околу 80 милиони фунти.

Овој музеј е огранок на музејот Victoria & Albert во Лондон. Покрај експонатите на уметнички дела од колекцијата V&A, изложени се и современа шкотска уметност и производи карактеристични за оваа област, што го прави објект за кој се очекува да стане новиот културен центар на Шкотска.

Инспириран од шкотски карпи, аголниот облик на V&A Dundee веднаш привлекува внимание. Голема хоризонтална „дупка“предвидена е во средината на зградата. Оставен е отворен простор за да ја поврзе на улицата Union, која минува низ средината на објектот, со прекрасниот природен пејзаж на реката Таи.

На овој начин, архитектонскиот тим на Кенго Кума, осмислил културен центар на 21 век кој се вклопува во животната средина и заедницата, за разлика од уметничките музеи изградени во 20 век, кои потполно не се вклопуваа во околината. Фасадата има разни сенки и промени, создадени со повеќе хоризонтални слоеви монтажни бетонски плочи, како начин со архитектонски израз да се потенцираат убави шкотски карпи.

Фоајето на музејот е отворен простор покриен со локално достапно дрво со мека текстура, со намера да се користи како „дневна соба“, а која ги привлекува посетителите со разни концерти и културни настани.

Објектот може да се пофали со одличен дизајн и материјали кои придонеле за неговите одлични енергетски перформанси, постигнувајќи *BREEAM највисока оцена.

Вградени се топлотни пумпи во комбинација со геотермална енергија за подобрување на комплетната заштеда на енергија.

Со цел дождовната вода ефикасно да се канализира од рамниот покрив, проектиран е детален распоред и спецификации за шемата за изолација на покривот. Овие решенија се однесуваат на потенцијалните загуби на топлина како резултат на експанзивниот рамен покрив на музејот и исто така овозможуваат управување со одводнување на дождовницата, за да подоцна  одржувањето на покривот да се сведе на минимум.

Во првите 12 месеци во музејот поминале 500.000 посетители.