Во Словенија се гради нова хидроцентрала на Сава

Изградбата на хидроцентралата „Брежице“ на реката Сава во Словенија, напредува според предвидената динамика, а пренасочувањето на реката би требало да започне во јуни. Во тек е монтажа на хидромашинската опрема, а рокот за завршување на најголем број од работите на акумулацијата е предвиден за 15 декември.

Вредноста на оваа енергетска инвестиција е 118 милиони евра, додека на уредување на инфраструктурата (акумулација, патишта и сл.) предвидени се 173 милиони евра. Функционалните и другите испитувања се планирани за првата половина на 2017 година, додека техничкиот преглед и пробната работа се очекува да завршат на есен 2017.

ХЕ „Брежице“ е петта хидроцентрала во низата од шест хидроцентрали на Сава со инсталирана моќност од 45MW, и проектирано годишно производство од 161GWh електрична енергија.