Тетово најзагаден град во светот, Скопје трет во Европа

Тетово се надминува себеси. Додека пред една година го доби епитетот „Најзагаден град во Европа“, оваа година оди чекор понапред.

Според индексот на загаденост на воздухот, денес Тетово е најзагадениот град во светот. Тетово убедливо води пред останатите градови од светот, додека пак останатите европски градови се далеку зад Тетово.

На европската листа на најзагадени градови, повторно Тетово е лидер со 101,55 индексни поени на загаденост на воздухот, додека на второто место е украинската метропола Киев со дури 20 индексни поени помалку, или 81,37. На третото место се наоѓа повторно македонски град, тоа е македонскиот главен град Скопје со 80,54 индексни поени. На истата оваа листа, како за споредба, на 58-то место се наоѓа швајцарскиот град Цирих со 12,64 индексни поени а место подоле е шведски Стокхолм со само 10,80 индексни поени.

Каков воздух дишеме денес и како тој влијае на нашето здравје, како и колку долго ќе трае оваа загаденост, можеме да наѓаме, но сепак оваа состојба е алармантна додека никој од надлежните не превзема никакви мерки за заштита ниту пак за превенција од вакви состојби.