Насловна / Вести / Студенти на Градежниот факултет се запознаа со градежните активности на Лимак Diamond

Студенти на Градежниот факултет се запознаа со градежните активности на Лимак Diamond

Над 30 студенти од отсек конструкција и геотехника на Градежниот факултет во Скопје, имаа можност да се запознаат со градежните активности во центарот на Скопје, каде се гради мултифункционалниот комплекс Лимак Diamond Скопје.

1

Она за што студентите најмногу покажаа интерес е како се испумпуваат подземните води, како тие се изолираа надвор од градежната област, како и за значењето на потпорните ѕидови.

2

Градежните инженери од Лимак ги информираа студентите дека се користи напредна технологија за изградба на овој проект, се користат дупчалки и дијафрагми со кои се прават дупки поголеми од 14 метри како и потпорни ѕидови.
На лице место студентите можеа да го видат начинот начинот на кој се изведуваат потпорните ѕидови, кои ќе се простира на површина од околу 17.000 квадратни метри.

3

Студентите беа информирани за динамиката на изградбата на комплексот. Се информираа и за подземната сообраќајница со должина од 800 метри, која ќе вклучува тунел со 6 коловозни ленти и се планира да биде завршена во период од 22 месеци. Предвидено е оваа сообраќајница да ги спојува примарните градски сообраќајни јазли со кружни текови кои се планираат во овој дел и според договорот се обврска на Град Скопје.

4
Архитектот на Лимак Џеида Шех одржа презентација пред студентите за сите елементи на овој комплекс, кој ќе обединува деловно – резиденцијални единици и трговски центар. Во комплексот автентично ќе се вклопи и симболот на градот – Старата железничка станица, денес Музеј на град Скопје, кој се планира да биде возобновен од градските власти. Лимак Diamond Скопје вклучува околу 772 станови во 20-катни кули, канцеларии, трговски центар, простор за слободни културни активности, ресторани, кафулиња, фитнес центар, хотел со казино и паркинг со капацитет за над 2.800 автомобили. Површината на вкупниот проект е околу 325.000 квадратни метри.

6
Основана во 1976 година, Лимак Холдинг е светски реномирана компанија со седиште во Турција, специјализирана за секаков вид инфраструктурни и градежни проекти, вклучувајќи аеродроми, пристаништа, автопати, брани, хидроцентрали, фабрики, индустриски објекти, цевководи, хотелиерство и туризам.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top