Србија: Bechtel единствена компанија која се квалификувала за реализација на проектот „Ѓердап 3“

Градежната компанија Bechtel ја поднела единствената валидна пријава во склоп на јавниот повик за интерес за учество во реализација на проектот за реверзибилната хидроелектрана „Ѓердап 3“. Компанијата сега е квалификувана за втората фаза од постапката. Во првата фаза од постапката, пријави поднеле шест компании: Fresh Development LLC (SAD), како водечки партнер на конзорциумот со компанијата LDS, Пожаревац (Србија); Bechtel UK Holdings International Limited, како водечки партнер на конзорциумот со компанијата ENKA Insaat ve Sanayi A.S. (Turska); Voith Hydro Inc.; Channell Commercial Corporation; Моравцем, Поповац (Србија); и Global TBM Company dba Robbins.

Целта на првата фаза на постапката, како што се истакнува од страна на владата на Србија, бил собирање на понуди од заинтересираните компании и утврдување дали истите ги исполнуваат условите пропишани со јавниот повик, по што следувал избот на кандидати за учество во следната фаза.