Насловна / Архитектура / Спа центар во мексиканска џунгла стопен со пејзажот

Спа центар во мексиканска џунгла стопен со пејзажот

Мексиканското биро Soler Orozco Arquitectos и архитектот Хавиер Санчез проектирале спа центар, кој е обликувана како пресечен конус и кој добива драматично внатрешно осветлување преку кровните прозорци.

1_resize

Овој многу необичен објект, кој всушност е проектиран како цела куќа, се наоѓа во планинскиот град Тепозтлан, на околу 50 километри од Мексико Сити.

2_resize

Вулкански камен во внатрешноста

„Тепозтлан ужива одредена мистичност поради своето предхиспанско минато и својата позната креативна и лековита енергија“. Клиентот на овој проект, страствен спортист, сакаше куќа која ќе биде вградена во околината како простор посветен на подобрување на физичката и емоционалната благосостојба на луѓето“, објаснуваат архитектите за Dezeen.

3_resize

Објектот е завршен во 2021 година и содржи низа велнес простори во структура во форма на конус, која е внатрешно обложена со вулкански камен. Вклучува теретана, студио за масажа, сауна и ладен базен.

8_resize

4_resize

Однадвор, масата на градбата ја сочинува камена хумка на чиј врв е организирана зелена платформа. Овој простор е всушност тераса, која архитектите ја опишуваат како „облик без граници што не може да се сфати како целина“.

7_resize

Корисниците на просторот влегуваат во објектот одозгора преку отвор кој ја пресекува формата, а скали налик на тунел ги водат внатре, односно до централниот простор осветлен со светларник.

6_resize

„Кружната основа има радијални простори околу централната зона оставена да постои речиси како празнина, осветлена одозгора со кружен отвор на кровот што ја пропушта сончевата светлина и водата во внатрешноста“, додаваат мексиканските архитекти.

10_resize

Филтрирање на дождовница во подземни цистерни

„Овој светларник го зазема центарот на зелената тераса на кровот со дијаметар од 20 метри, која функционира како имплувиум за собирање дождовница, која потоа се филтрира во подземни цистерни“, објаснуваат архитектите.

11_resize

Надвор од кружниот ходник што ја опкружува централната комора, се наоѓаат простории во кои се сместени зони за масажа, сауна и тоалети, додека теретаната на приземјето е поврзана со терасата.

5_resize

Внатрешноста на објектот е завршена со користење природни завршни обработки, вклучувајќи подови од тули, ѕидови од гипс и дрвени елементи на вратите и мебелот. Поголемиот дел од ентериерот е осветлен со ѕидни свеќници, давајќи му на просторот интимна, подземна атмосфера.

13_resize

Архитектите истакнуваат дека водечкиот принцип на проектот бил дека спа центарот мора да се вклопи во локацијата без да влијае на пејзажот, а покрај тоа, архитектурата да биде што е можно помалку видлива.

Предвидено е содржината на кровот да биде совршен простор за размислување, место каде што гостите можат да уживаат во зори, самрак, но и ноќе покрај оган или во хидромасажна када.

9_resize

 

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top