Насловна / Вести / Општина Центар ја санкционира дивоградбата на улиците „Самоилова“ и „Никола Карев“

Општина Центар ја санкционира дивоградбата на улиците „Самоилова“ и „Никола Карев“

Општина Центар спречи да никне дивоградба на аголот на улиците „Самоилова“ и булеварот „Никола Карев“. Овластен градежен инспектор го затвори градилиштето,  со што се стопира градбата.

Претходно, кога објектот беше во фаза на ископ, инспекторот донесе решение за враќање во првобитна состојба. Решението никој не го примил, а инвеститорот, кој е непознат, продолжил со градбата, иако нема соодветно одобрение.divogradbi-3

Овластениот градежен инспектор на општина Центар беше на терен со градежен инспектор од Државниот инспекторат за градежништво и урбанизам, при што е констатирано дека се работи за дивоградба.divogradbi-4

Неколкупати на објектот е оставана покана инвеститорот да дојде во општина Центар, но на ова досега не се одзвал никој. Инвеститорот мора да престане со сите дополнителни градежни активности и да пристапи кон отстранување на градбата.divogradbi-2

Овластениот градежен инспектор денеска ги затвори дивоградбите на локалите „Ла Лара“ и дел од „Гастротека“, кои не постапија по донесеното решение за отстранување на дивоградбите.

Општина Центар и натаму внимателно ја следи состојбата на теренот и нема да дозволи дивоградби на територија на општината.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top