По најновата забрана во Германија, уште 300.000 дизел возила ќе завршат на Балканот

Новата Одлука на еден од регионалните судови во Германија гласи: „Сите автомобили без стандард на моторот ЕУРО6 – надвор од сообраќајот.“ Главната цел на земјата со оваа своја политика е подобрување на квалитетот на воздухот и заштита на животната средина.  Но, освен за еколошкиот аспект, се работи и за казна за производителите кои ги лажираа тестовите за емисија на јаглерод диоксид од возилата, како и стимулација на населението за купување на нови возила.

Стручњаците прогнозираат дека оваа одлука ќе има големо влијание врз пазарите на половни автомобили на Балканот, но и оние во Азија и Африка. Се проценува дека околу 300.000 половни дизел возила во наредните три години ќе стигнат само на Балканот, и тоа првенствено во Србија, Црна Гора и Македонија.

Во 2016 година, 46% од произведените возила во Германија биле на дизел погон а секое петто работно место во земјата е во автомобилската индустрија.