Започна со работа кинескиот нуклеарен реактор од третата генерација

Првата нуклеарна постројка во Кина која ја користи технологијата hualong one,  што претставува домашен реактор од трета генерација, успешно е поврзана на мрежа во провинцијата Fujian во југоисточна Кина. Имено, блокот број 5 на нуклеарната електрана  Fuqing,  при Кинеската национална нуклеарна корпорација, започна да произведува електрична енергија користејќи ја оваа технологија. „Сите технички показатели ги задоволуваат проектните стандарди, а енергетскиот блок работи добро“, рекол генералниот директор на нуклеарната електрана Fuqing. Значајното достигнување ќе придонесе за сериозно подобрување на конкурентноста на кинеската нуклеарна индустрија, што е од голема важност за планот за енергетско реструктуирање на земјата и стремежот кон ниско јаглероден развој. Новата нуклеарна постројка ќе помине различни испитувања, вклучувајќи и непрекината работа под полна моќност, пред да се започне со комерцијална операција.