Пуштена во погон најголемата ветерна турбина во светот

Данската компанија Vestas, ја пушти во погон најголемата ветерна турбина во светот. Џиновската конструкција е висока 113 метри и поставена е во центарот за тестирање Естерилд во северозападниот дел на Данска. Моќноста на турбината V164 е осум мегавати. Користењето на една голема, наместо неколку мали постројки ќе ги намали трошоците за производство, тврдат од компанијата.

Се очекува сериското производство на овие турбини да започне во 2015 година. Најголемите досега поставени турбини се оние на Енеркон (7,5MW) и Самсунг (7MW).

Извор: AFP