Нафтно-гасниот шок ќе ги чини 5 пати поскапо возачите на бензин отколку оние на електрични возила

Дополнителните трошоци за возачите на автомобили на бензин, со цени на нафтата кои надминуваат 100 долари за барел, би требало да бидат 5 пати повисоки од истите трошоци за возачите на електрични автомобили. Ова го тврди анализата спроведена од страна на оргаизацијата Transport & Environment (T&E).

T&E го анализира веројатното влијание на цените на бензинот и открива дека полнење на гориво за просечен автомобил на бензин би чинело 14,20 евра на 100 km, што е зголемување од 3,80 евра поради последиците од војната на Израел и САД против Иран. Просечните трошоци за полнење на електрично возило би изнесувале 6,50 евра на 100 km, што е зголемување од 0,70 евра поради повисоките цени на електричната енергија заради зголемувањето на цената на природниот гас. Анализата претпоставува дека просечните цени на безнинот на пумпите ќе бидат високи – на ниво од околу 2-3 евра по литар, како што било во текот на енергетската криза во 2022 година, кога цените достигнаа околу 100 долари по барел.