Насловна / Архитектура / Свечено доделена наградата „Андреја Дамјанов“ на архитект Миодраг Радоњиќ-Бато

Свечено доделена наградата „Андреја Дамјанов“ на архитект Миодраг Радоњиќ-Бато

Вчера во присуство на голем број колеги и пријатели на свеченоста која се одржа во Македонската академија на науките и уметностите (МАНУ), Асоцијацијата на архитекти на Македонија (ААМ) му ја врачи наградата „Андреја Дамјанов“ на архитект Миодраг Радоњиќ-Бато.

IMG_20181225_225305
Архитектот Миодраг Радоњиќ-Бато е годинашен добитник на наградата „Андреја Дамјанов“ за животно дело, особени достигнувања и личен придонес во развојот на архитектурата и градителството за 2018 година, која ја доделува Асоцијацијата на архитекти на Македонија (ААМ).
Радоњиќ -Бато е роден 1949 година во Краљевица-Ријека, Хрватска. Од 1950 година живее во Скопје каде завршил основно образование и средно образование во гимназијата „Орце Николов“. Во 1976 година дипломирал на Архитектонскиот факултет во класа на проф. Живко Поповски.

IMG_20181225_224840
Од 1973 година ја оформува неформална студентска група „АЈВАР“ која прераснува во Конкурсна „Група АЈВАР“ со архитектите Ранчо Христов, Мартин Гулевски и Стеван Смилевски. Со групата повремено работат и Крсте Џидров, Влатко Коробар и Слободан Живковски.

IMG_20181225_224246
По дипломирањето се вработува во Републичкиот завод за урбанизам „ЗУМ“ – Скопје, каде го започнува својот професионален ангажман на ахитектонско проектирање и урбанистичко планирање и твори во тек на наредните петнаесет години, од 1977 до 1991 година. Во тој период работел на бројни Детални и Основни урбанистички планови и Архитектонско урбанистички проекти, како за градови во Македонија, така и за градовите Бар и Улцињ во Црна Гора од кои повеќе од 20 се усвоени за реализација.

IMG_20181225_223756
Со колегите од ЗУМ учествува и на пет конкурси од кои еден Југословенски и четири Републички на кој освојуваат награди и откупи.
Во 1991 година, како партнер со архитект Ранчо Христов го регистрира првото приватно архитектонско биро во Македонија „Ателје Ајвар“ ДОО, Скопје, каде е и денес активен. Во „Ателје Ајвар“ изработил бројни проекти од кој голем дел се реализирани.
Со децении е активно ангажиран во ААМ и во еден период е и Претседател на Собрание на ААМ. Еден е од иницијаторите и основачите на Комората на овластени архитекти и инженери (КОАИ).

IMG_20181225_225536
Добитник е на повеќе награди на БИМАС, добитник е на награда и благодарница од Главниот архитект на град Скопје и минатата година, заедно со својот партнер Ранчо Христов добитник е на наградата „Борис Чипан“ која секоја година традиционално ја доделува КОАИ за придонес за развојот на архитектонско – инженерската струка во Р. Македонија.
На вчерашната свеченост архитект Миодраг Радоњиќ-Бато се заблагодари на укажаната чест и ја повтори својата вечна страст и заложба за квалитетна архитектура.

IMG_20181225_224426

IMG_20181225_224554

IMG_20181225_224924

IMG_20181225_225138

IMG_20181225_225335

IMG_20181225_225305

IMG_20181225_225416

IMG_20181225_225219

IMG_20181225_225855

 

IMG_20181225_223856

IMG_20181225_225855 IMG_20181225_230010

фото: КИРО ПОПОВ

Еден коментар

  1. Generacija od gimnazijata, sega vo Belgrad, zaedno vo kafeana sekoj ponedelnik, mu čestita na svojot “vonreden” člen, so drugarski pozdrav!

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top