Куќата El Guarango во Еквадор пружа одличен поглед кон природниот пејзаж

Оваа куќа се наоѓа во Румилома, едно од брдата што се наоѓа во близина на градот Куито во Еквадор, кој е во брзорастечка урбанизација, и е една од првите изградени куќи во овој дел.

Концептот на оваа куќа е замислен да биде како двособна викенд куќа со надкриени надворешни простори кои би служеле како место за поминување на времето на отворено со пријателите.

Интересно за оваа куќа е тоа што таа е изградена за само 75 дена и исклучиво со локални материјали кои се наоѓаат во нејзината непосредна близина, со оглед на тоа што куќата се наоѓа на тешко пристапен терен.

Оваа куќа е целосно отворена од нејзината предна страна која гледа кон падините на еквадорските Анди, па така цела оваа нејзина страна е застаклена, додека двете бочни страни се масивни и целосно затворени.

Користејќи ги основните природни материјали како, дрво, тула, бетон, стакло и челик, оваа куќа е создадена од природата и во целосна кохезија со неа, па така на своите корисници им дава тотално пријатен престој во неа.