Од тениските терени до дневните соби: Одржлив мебел изработен од тениски топчиња

Белгиската еко дизајнерка Mathilde Wittock ги трансформира старите тениски топчиња во елегантни клуши и столови, давајќи имм нов живот и на тој начин промовирајќи го циркуларниот дизајн во ентериерот.

“Постојат 24 чекори во производството на тениските топчиња, а процесот трае околу 5 дена. Потоа, тие имаат исклучително краток век на користење“, вели Wittock. Бидејќи и самата игра тенис, сведок е за тоа колку отпад генерира овој спорт. Глобално, годишно се произведуваат околу 300 милиони тениски топчиња, и речиси целокупната количина завршува на депонии. Притоа периодот на разградување трае 400 години. На пример, US Open користи околу  70.000 топчиња секоја година, а Wimbledon  околу 55.000. Wittock проценува дека максималниот век на користење на топчињата е околу девет мечеви, се разбира тој е многу пократок на настаните на највисоко ниво.

На Wittock и се потребн три до четири недели за изработка на еден стол, а цената е околу $2.900. Секое топче рачно се сече и се бои, со специјално избрани бои. Со материјал ја снабдуваат тениските клубови. Но, креацијата не е нејзината единствена цел. Станува збор за еко дизајн и за поттикнување на циркуларноста.