Порта3 – градежништво, архитектура и екологија Порта3 – градежништво, архитектура и екологија
Изградбата на интерконекцијата меѓу Србија и Романија на 400 kV напонско ниво се одвива во полн ек, откако во март годинава започнаа подготвителните работи. Се работи за далековод од трафостаницата Панчево до романската граница, кој е од стратешка важност за Србија бидејќи се работи за дел од т.н. Трансбалкански коридор кој ги поврзува електроенергетските системи на Италија, Црна Гора, Босна и Херцеговина, Србија и Романија.
Овој значаен инфраструктурен проект ќе придонесе за сигурност и доверливост на националните електроенергетските системи на споменатите земји. Должината на далеководот на територијата на Србија изнесува 68 километри, проктот се финансира од сопствени средства на ЈП „Електромрежа Србије“, а се очекува да се стави во функција на крајот на 2017 година.
Претходно веќе објавивме за активностите од Трансбалканскиот коридор на теритотријата на Црна Гора, односно изведбата на поморски кабел низ Јадранското Море за обезбедување на интерконекција со Италија.
