Софија ќе гради трета метро линија

Изградбата на трета линија на метро во Софија ќе почне кон крајот на оваа или почетокот на идната година, вели извршниот директор на софиското метро Метрополитен ЕАД, Стојан Братоев. Братоев заедно со градоначалникот на Софија Јорданка Фандакова ги посети изведбените работи на продолжувањето на втората линија која е во тек на југот на Софија.

Третата линија на метрото ќе биде долга 16 километри и ќе има 18 станици. Братоев потенцира дека изградбата на првата фаза од проектот од 7,8 километри и 8 станици, најверојатно ќе почне на пролет 2016 година.