Промоција на ИПА проектот „Рехабилитација и проширување на канализациона мрежа во општина Куманово”

Денес, во Куманово, ќе биде промовиран ИПА проектот „Рехабилитација и проширување на канализациона мрежа во општина Куманово”, со чија реализација ќе се решаваат проблемите со собирањето и одведување на урбаните отпадни води во општината Куманово. На промоцијата ќе се обрата министерот за животна средина и просторно планирање Башким Амети, вице-премиерот за европски прашања, Арбр Адеми, амбасадорот на ЕУ во Македонија, Н.Е. Самуел Жбогар и градоначалникот на општина Куманово, Зоран Дамјановски.

Почетокот на настанот е закажан во 13.00 часот, на улица „Пиринска Македонија“ на локација во близина на изведбените работи од проектот.