Лабораторија за испитување на бетон и арматура во Битола

На 01.06.2016, ГЕИНГ КуК свечено ги отвори вратите на својата нова, веќе втора регионална канцеларија во Битола, во присуство на голем број гости, пријатели, соработници, претставници на институции и вработени. По првата успешно отворена канцеларија во Штип, веќе и Битолскиот регион ја има можноста да биде поблиску до услугите на ГЕИНГ Кребс унд Кифер и до широкиот спектар на експертизи.

Канцеларијата располага и со Лабораторија за испитување на бетон и арматура која е снабдена со најнови инструменти и опрема потребни за извршување на испитувањата.

Лабораторијата за испитувања на геомеханика, градежни материјали и животна средина „ГЕИНГ КуК“, стационирана во подружницата во Битола, поседува комбинирана опрема од последната технолошка генерација со компактен дизајн, која во суштина е предимензионирана со цел да се обезбеди висок степен на цврстина и стабилност. Поседува хидрауличен безбедносен уред со максимален и минимален број на удари. Работи комбинирано, при што со хидрауличен селектор се избира опит за јакост на затегнување или јакост на притисок.

Со оваа опрема се извршуваат следниве испитувања:

1. Определување на јакост на затегнување на арматура

(Испитувањето се врши на арматурни прачки со димензии од Ø 6 до Ø 25 и плочести примероци со максимални димензии од 25 x 15 mm)

Капацитет на затегање – max 500 kN

1. Определување на јакост на притисок на бетон

(Испитувањето се врши на бетонски коцки со максимална димензија на страна 150 mm, или на бетонски цилиндри со максимални димензии d/h = 160 x 320 mm) Капацитет на притисок – max 1500 kN

Опремата содржи и додатоци – Екстензометри за мерење на деформации на арматурата после кинење. Истата е целосно дигитализирана со вграден печатач кој веднаш после испитувањето дава извештај т.е. резултати од испитувањето.

Сл. 1. Комбинирана опрема за испитување на арматура и бетон

Освен комбинираната опрема за испитување на бетон и арматура, Лабораторијата за испитувања на геомеханика, градежни материјали и животна средина „ГЕИНГ КуК“ во Подружница Битола поседува и најсовремена опрема за теренски испитувања како:

1. Kонтрола на модул на стисливост со статичка кружна плоча (МКС 1011:2015 / МКС У.Б1.046/68),
2. Kонтрола на модул на стисливост со динамичка кружна плоча (МКTС 1012:2015),
3. Oпрема за определување на волуменска тежина со метод со калибриран песок (MKC 1004:2013),
4. Опрема за определување на слегнување на свеж бетон – Slump test (МКC ЕN 12350-2)
5. Термометри за мерење на температура на свеж бетон (МКС У.М1.032),
6. Калапи за земање на примероци од бетон – бетонски коцки за понатамошни испитувања, и сл.

Сл. 2. Динамичка кружна плоча

Сл. 3. Статичка кружна плоча

 Сл. 4. Опрема за испитување со калибриран песок

 Сл. 5. Калапи за бетонски коцки

 Сл. 6. Опрема за Slump-test

Услугите на Лабораторијата за испитувања на геомеханика, градежни материјали и животна средина „ГЕИНГ КуК“, стационирана во Подружница Битола, главно ги користат инвеститори, фирми изведувачи, каменоломи и бетонски бази.

Подготвил:

Менка Ристовска, дипл.град.инж.

(ГЕИНГ Кребс унд Кифер Интернешнл и др. ДОО, Скопје)