Заха Хадид на поштенска марка во Ирак

Ирачката поштенска служба оддаде почит на неодамна починатата архитектка Заха Хадид, така што нејзиниот лик кој е ставен на поштенската марка претставува комбинација на два нејзини различни портрети.

Славната архитектка родена во Ирак, а почината на 65 годишна возраст, е една од двајцата архитекти кои се нашле во новата серија на ирачките поштенски марки заедно со Мохамед Маки кој почина оваа година на 101 годишна возраст.

Поштенската марка е направена со монтажа на две различни фотографии. Едната од нив е реализирана непосредно пред нејзината смрт, кога таа била избрана за победник на РИБА наградата за 2016 година, додека другата е нејзината позната фотографија за списанието Тајм.

Заха Хадид се појавува на марката од 750 ирачки динари, додека ликот на архитектот Маки е резервирана за поштенската марка од 1.000 ирачки динари.