Светска сензација – пазар кој го посетиле 8 милиони луѓе во само една година

Дали пазарите во блиска иднина ќе бидат нова омилена типологија на архитектите, тешко е да се заклучи, но секако јасно е дека проектот на Winy Maas, за пазарот во Ротердам конкурира  за вистински спектакл. И успева во тоа. Архитектот Maas, познат како „enfant terrible“ на современата архитектонска сцена успеа во својата намера пазарот Markthal да го лансира како светски хит.

Во проектот се вложени 175 милиони фунти, а над впечатливиот пазар во лак се надоврзуваат станови односно резиденцијален дел. За време од една година овој пазар е посетен од дури осум милиони луѓе, што двојно ги надминало очекувањата и на најголемите оптимисти. Со тоа, пазарот во Ротердам ги надмина и познатите културни атракции како Ајфеловата кула, Сикстинската капела и Гугенхајм музејот во Билбао.

Неодамна овој проект беше награден со престижната  European Property Award. На пребарувачот Google се споменува над 25 милиони пати. Туризмот во Ротердам е во подем токму поради овој објект.

На пазарот во Ротердам се наоѓаат 96 штандови. Конструкцијата е налик на тунел, висок 40 метри и долг околу 70 метри. Во склопот на ова здание се сместени и 228 станови. Однадвор е во сива боја со гранитни облоги, како продолжение на тардицијата од улиците на градот.

Иако е доста висока, градбата не се наметнува во околината туку извонредно се вклопува. „ Ротердам има бројна популација работничка класа, па затоа сакав да создадам проект кој е „поп“ а не нешто снобовско“ вели авторот.

Внатре, овој тунел на сводовите има насликано овошје и зеленчук, но интересно е дека и прозорците од некои станови гледаат токму на пазарот. Односно, како што с еизраззил еден критичар од познатиот  „Guardian“: “Тоа е Сикстинска капела на свежото производство“. Освен што гледаат на пазарот, некои станови имаат и коси ѕидови. Сепак холандскиот печат пренесува дека сите станови се продадени, дури и екстренмно скапиот  „penthouse“ со цена од над еден милион фунти.