Руски град „замрзнат“ во советската ера

Малиот руски град Баренцбург со петстотини жители останал „замрзнат“ во советската ера. Ова место всушност се наоѓа на норвешкиот остров Шпицберген, но според Договорот од дваесеттите години на минатиот век некои земји се уште имаат право на риболов, рударење и трговија на овој остров.

Тоа право и денес го користи Русија. Иако во градот се уште е активен рудникот за јаглен, од него никој не заработува поради нискиот квалитет и скромното производство.

Градот е атракција за туристите кои можат да ја почувствуваат атмосферата на некогашната советска ера.

Во градот речиси ништо не се сменило со децении.„Во суштина, Русија плаќа за своето присуство овде. Тоа е прашање на висока политика. Имаме право да кажеме дека островот е исто толку наш колку што е норвешки“ вели Тимофеј Рогозин од компанијата која управува со рудникот.