Монументална резиденција за малку поинаков одмор

Villa Além се наоѓа во Португалија и е одличен приказ на специјална врска меѓу човекот, природата, модерниот дизајн и просторот за живеење. Објектот е проектиран од страна на архитектот Валерио Олгиати, како еден вид на оаза за одмор на едно семејство, кое инаку живее во швајцарските Алпи.

Се работи за монументален проект на куќа, која се наоѓа во средина на едно пространо „ништо“, но опкружена со бујна вегетација.

Акцентот е ставен на масивните бетонски ѕидови, отвореноста на просторот, како и спектакуларно издолжениот базен кој е централен дел од екстериерот. Како што вели самиот архитект, ентериерот во ова здание станува некако секундарен, но не помалку важен.

Минимализмот е она што ќе се најде во неговата внатрешност, но токму овој стил сјајно игра во овој робустен објект и естетски помалку груба животна средина која можеби нема да му се допадне на секого, но сигурно ќе фасцинира.