Порта3 – градежништво, архитектура и екологија Порта3 – градежништво, архитектура и екологија
Комората на овластени архитекти и овластени инженери ги информира своите членови дека е отворена раната регистрација за Светскиот конгрес на архитекти UIA 2026 во Барселона, со повластена цена на билети.
Конгресот се одржува од 28 јуни до 2 јули 2026 година во Барселона, Шпанија – град кој оваа година ја носи титулата Светска престолнина на архитектурата 2026, доделена заедно од Меѓународната унија на архитекти (UIA) и УНЕСКО.
Организиран од UIA, CSCAE и COAC, конгресот собира повеќе од 10.000 професионалци, студенти и институции од над 130 земји. Со преку 250 меѓународни говорници и повеќе од 100 сесии, дебати, работилници и тркалезни маси, UIA 2026 BCN е најзначајниот архитектонски настан во 2026 година.
Темата на конгресот е Becoming. Architectures for a Planet in Transition – повик до архитектонската заедница да размислува за нови начини на живеење, климатската криза, трансформацијата на просторот и влијанието на новите технологии.
ПРОГРАМА ПО ДЕНОВИ
- 18–25 јуни – Меѓународна работилница за млади архитекти
- 28 јуни (недела) – Свечено отворање
- 29 јуни – Becoming More-than-Human & Becoming Circular
- 30 јуни – Becoming Embodied & Becoming Interdependent
- 1 јули – Becoming Hyper-Conscious & Becoming Attuned
- 2 јули (четврток) – Свечено затворање
Главни локации:
Конгресот се одржува на три иконични места покрај морето: Les Tres Xemeneies de Sant Adrià de Besòs, Меѓународниот конгресен центар во Барселона (CCIB) и Музејот на дизајн DHub.
Билети:
Билетите се достапни во повеќе категории по намалена цена за рана регистрација. Ви препорачуваме да го обезбедите своето место навремено.
