Во Белград се одржа состанок на Инженерската иницијатива за регионална соработка – дигитализација и унапредување на струката

Инженерската комора на Србија беше домаќин на состанокот на Инженерската иницијатива за регионална соработка (ИИРС), одржан на 24 април 2026 година во Белград, на тема „Дигитализација во областа на просторното и урбанистичкото планирање, проектирање и изградба, со посебен акцент на примена на современи дигитални алатки, подобрување на регулаторната рамка и размена на добри практики во регионот“.

На состанокот, покрај Инженерската комора на Србија како домаќин и членка на ИИРС, присуствуваа и други регионални комори членки: Комората на овластени архитекти и овластени инженери на Република Северна Македонија, Инженерската комората на Словенија, Хрватската комора на градежни инженери, Хрватската комора на електроинженери, Инженерската комората на Црна Гора и Комората на инженери во инвестициско проектирање на Бугарија, со учество на претставници на Европскиот совет на инженерски комори, Комората на планери и архитекти на Црна Гора и државни и струкови институции на Република Србија.

Во своето обраќање до учесниците на состанокот, Вељко Бојовиќ, лицето кое привремено ја претставува и застапува Инженерската комора на Србија и претседател на Управниот одбор на Инженерската комора на Србија, истакна дека состанокот е можност да се иницираат и разгледуваат прашања важни за професијата и нејзиното усовршување, бидејќи обврска на членовите на ИИРС е да ја водат професијата напред, во чекор со технолошкиот развој и законските регулативи.

По воведните обраќања на Предраг Матовиќ, в.д. помошник-министер за градежништво, транспорт и инфраструктура во Секторот за просторно планирање и урбанизам и претседател на Надзорниот одбор на Инжинерската комора на Србија, Кристинка Чулак, потпретседателка на Извршниот одбор на Европскиот совет на синженерски комори и Чртомир Ремец, претседател на Инженерската комора на Словенија, програмата на состанокот реализирана е преку стручни презентации.

Стручните презентации ја истакнаа важноста од примената на дигитализацијата во водењето на Централна евиденција на обединети процедури (ЦЕОП), потоа во изработката и примената на планските документи (Е-план и Е-простор), како и во примената на Законот за посебни услови за евидентирање и упис на правата на недвижностите.

Посебен акцент е ставен на современи и стратешки важни проекти, како што се Експо 2027, Националниот фудбалски стадион во Белград, Белград на вода и Белградското метро, ​​додека колегите од регионот ги презентираа своите искуства и добри практики во областа на дигиталната трансформација.

Состанокот целосно ја оправда својата цел – да биде платформа за размена на искуства и унапредување на праксата во областа на планирањето, проектирањето и изградбата, како и за разгледување на клучните прашања од законската регулатива.

Меѓу главните заклучоци, особено беше истакната потребата од формирање работни групи и формирање заеднички бази на податоци на ниво на регионални комори, што дополнително би ја зајакнало регионалната соработка, би ја подобрило размената на знаење и би ја олеснило примената на дигитални алатки, како и ускладување со современи регулаторни рамки.