3D печатење на лесни, изолирани ѕидови од минерална пена без цемент

Истражувачите од ETH Цирих, во соработка со FenX AG, ги поместуваат границите на роботското 3D печатење. Тие користат минерална пена која ја прават од рециклиран отпад, а целта им е без цемент да добијат монолитни и лесни ѕидни системи кои имаат изолација. На овој начин се намалуваат трошоците и неопходниот материјал. Утврдиле дека минералната пена без цемент, која е порозна, може да се користи во различни густини така што според потребите, стратешки се распоредува изолацијата и цврстината. На овој начин се подобрува термоизолацијата на објектот односно неговата енергетска ефикасност.

Минералната пена може да се рециклира и повторно да се користи, а нејзиниот јаглероден отпечаток е помал отколку кај пената од пластика. Во склоп на проектот Airlements направен е прототип на ѕид висок 2 метри, составен од четири сегменти изработени со помош на технологијата на 3D печатење на минерална пена.  Сегментите се порозни и имаат маса од по 25kg. Печатењето е изведено на температури од 20 до 28 степени Целзиусови и релативна влажност од 20 дo 70%. Немало потреба од енергетски интензивна обработка и тоа е голем напредок во однос на претходните истражувања. Во наредниот период истражувачуте ќе бидат фокусирани на подобрување на носивоста на елементите и производната прецизност на 3D печатењето.