Розанов, московски фотограф на кој архитектурата му е страст

Михаил Розанов е еден од најпознатите московски фотографи со препознатлив стил и теми, кој вглавно работи во црно-бел формат. За неговите дела е карактеристичен минимализам, како и академска строгост и воздржаност.

Серија „Сон“

Роден е 1973 година во Москва. По студирањето на Факултет за историја на Московскиот државен универзитет се приклучил на кругот уметници на Новата академија под водство на Тимур Новиков во Санкт Петербург, каде што се формирал како уметник.

Серија „Сон“

Од 1995 година, делата на Михаил Розанов се редовно изложени во Русија во голем број галерии и музеи и во странство (Германија, Холандија, Франција, Англија , Швајцарија, САД, Италија, Литванија, Мексико и др.). Учествува на различни биеналиња и саеми на уметност ширум светот. Во 2010 година започнал своја креативна работилница на Британската висока школа за дизајн на Факултетот за фотографија и таму предавал во наредните шест години. Од 2015 година Михаил Розанов работи исклучиво со галеријата Ruarts во Москва.

Серија „Сон“

Секоја фотографија на Розанов првично е замислена во умот на фотографот. Еден од најважните процеси за него е долгото теоретско истражување и деталното истражување на феноменот што се проучува, како и потрагата по негово концептуално отелотворување, кое секогаш му претходи на самото фотографирање. Креативниот метод на авторот се состои во неговите обиди да го открие возвишеното во секојдневниот живот, што ќе му помогне на гледачот да се ослободи од материјалните предмети за да ги согледа вообичаените форми на светот како слики на чисти емоции.

Серија „Поредокот“

Секое дело носи одредена сензуална интонација: спокојство или динамика, леснотија или тежина, нежност или решителност. Притоа, авторот не ја искривува реалноста, туку само ги спроведува објективните механизми на перцепција со помош на конкретниот агол и идеално точната, геометриски проверена композиција.

Архитектурата е неговата страст. Розанов ширум светот ги фотографира своите омилени објекти. А во неговиот објектив често изгледаат како вистински уметнички дела.

Розанов го интересираат необични стилови и предмети изградени помеѓу епохите. На пример, тој ја посветил целата серија „Сон“ на свечената архитектура во Москва од времето на владеењето на Сталин. Советскиот неокласицизам се карактеризира со строг геометриски стил, кој го инспирирал самиот Розанов. Забележал и монументални украсни детали кои обичниот минувач често не ги забележува.

Серија „Сон“

Серија „Версај“

Розанов лесно се сели од советска Москва во Лувр, а се восхитува и на скулптурата и геометријата на парковите во Версај. За да се врати на јужниот брег на Финскиот залив во Петерхоф и во Ермитаж.

Серија „Лувр“

Серија „Ермитаж“

„Петерхоф“

Додека во советскиот изложбен парк ВДНХ е инспириран од редот и „јасноста на целта“, како што ја нарекол втората серија фотографии посветени на советското наследство во архитектурата. И во овие класични советски градби, неизбежна е алузија на антиката, каде што дури и во урнатини човек може да биде инспириран од „Поредокот“, како што е насловот на новата серија дела.

„ВДНХ“

Обичен минувач не може да ги согледа украсните детали во типичен советски стил со кои е „опкружена Библиотеката на Ленин“, но Розанов дава таква можност. Фигурите на работници и трудбеници се особено надреални кога во нивната позадина се златните куполи на Кремљ.

Библиотеката на Ленин

Розанов посветил серија фотографии на фантастичниот Кремљ, царските ѕидини, добро познатата силуета на бедемите и кули украсени со црвени советски петокраки.

„Кремљ“

Има и серија фотографии од свети места кои се опишани во Евангелието. Како на пример, патот до Голгота во Ерусалим, Маслинова гора итн.

Меѓу делата на Розанов има и геометриски апстракции во серијата „Геометрија“. Понекогаш е тешко да се разбере за која земја, континент или планета се работи. Ледениот брег на Антарктикот е „архитектонски доследен“, но Розанов и него го нарекува и „Космос“, бидејќи тоа е величенствен и бескраен простор каде што ледените санти се единствените господари.

„Геометрија“

Една од најновите серии на Михаил Розанов е посветена на челикот, стаклото и бетонот. Тој ги истражувал овие материјали низ цела Европа, вклучително и во Берлин, што може да се види на фотографијата подолу.