Насловна / Арт и дизајн / Конечно отворена постојаната поставка во МСУ во Скопје

Конечно отворена постојаната поставка во МСУ во Скопје

od otvoranjeto i stalnata postavka vo msu_01

Во Музеј на современата уметност од пред два дена конечно е отворена постојаната поставка, по повод 50 години од основањето на музејот, со наслов „Солидарноста-недовршен проект“.

Дела од светската ликовна и визуелна уметност, меѓу кои и дела на Пикасо, Калдер, Хокни, Мур, Џаспер Џонс, Фернан Леже, Бернар Бифе, се составен дел од постојната поставка што во саботата конечно се отвори во Музејот на современата уметност во Скопје. По повеќе од две децении од последното изложување на делата од фасцинантната збирка на МСУ, љубителите на уметноста и посетителите на музејот повторно добија шанса во живо да видат околу 300 врвни уметнички остварувања. Реновираниот простор во МСУ, внимателно селектираните дела од колекцијата, кои ќе се менуваат со други од депото, го сместува музејот како значаен уметнички центар во регионот со вредна уметничка збирка што вреди да се погледне.

od otvoranjeto i stalnata postavka vo msu_07 od otvoranjeto i stalnata postavka vo msu_08 od otvoranjeto i stalnata postavka vo msu_09 od otvoranjeto i stalnata postavka vo msu_20 od otvoranjeto i stalnata postavka vo msu_18 od otvoranjeto i stalnata postavka vo msu_19 od otvoranjeto i stalnata postavka vo msu_17 od otvoranjeto i stalnata postavka vo msu_16 od otvoranjeto i stalnata postavka vo msu_15

Старата постојана поставка што била создадена од дела подарени на музејот по земјотресот во 1963 година беше тргната во времето на распадот на Југославија пред 24 години од безбедносни причини. По земјотресот, оваа збирка имала околу две илјади дела, а сега во сопственост на МСУ се околу пет илјади дела од светски и од домашни уметници.

od otvoranjeto i stalnata postavka vo msu_12 od otvoranjeto i stalnata postavka vo msu_11 od otvoranjeto i stalnata postavka vo msu_10 od otvoranjeto i stalnata postavka vo msu_06 od otvoranjeto i stalnata postavka vo msu_05 od otvoranjeto i stalnata postavka vo msu_03

Во новоконципираната поставка, изложена во три галериски простори на 3.500 квадратни метри, се претставени над 300 уметнички дела. Во првиот галериски простор се изложени делата од збирката на врвни светски уметници, како Џаспер Џонс, Дејвид Хокни, Фернан Леже, Бернар Бифе, Александар Калдер, Пјер Алешински, Иван Кожариќ, Душан Џамоња, Роберт Јакобсен, Штурса… Во овој галериски простор е изложено и делото на Пикасо „Глава на жена“, кое стоеше во депото со децении.

Според изложбениот концепт, уметничките остварувања не се подредени хронолошки, ниту по потеклото.

Од домашните автори застапени се делата на сите уметници што активно учествувале во креирањето на македонската историја на уметност. Изложени се дела на Лазар Личеноски, Никола Мартиновски, Петар Мазев, Димитар Пандилов-Аврамовски, Димо Тодоровски, Димитар Кондовски, Душан Перчинков, Јордан Грабулоски, Родољуб Анастасов, Анета Светиева… На горниот кат на музејот, кој беше во најлоша состојба, се поставени и делата на автори од поновата македонска ликовна сцена, како Велимир Жерновски, Игор Тошевски…

od otvoranjeto i stalnata postavka vo msu_21 od otvoranjeto i stalnata postavka vo msu_04 od otvoranjeto i stalnata postavka vo msu_02 od otvoranjeto i stalnata postavka vo msu_14 od otvoranjeto i stalnata postavka vo msu_13

„Со голема одговорност се исполнува ветување, долг кон историјата на уметноста, кон нашето културно наследство, кон македонската публика бидејќи по неприфатливата децениска ‘пауза’ во која бевме осиромашени за едно богато визуелно задоволство, во овој нов современ простор од 1.500 метри квадратни добиваме можност да ги видиме и доживееме делата на македонските и светските автори кои со својот индивидуален пристап оставија длабоки траги во современата ликовна историја“, истакна министерката за култура Елизабета Канческа-Милевска, која ја отвори поставката.

Еден коментар

  1. Svetski, moderen i prekrasen! Bravo! Vaka se renovira po svetski standardi!

Испрати коментар до ns Откажи

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top